1. محترم مہمان السلام علیکم! فروغ نعت فورم میں سوشل شیئر کا آپشن شامل کیا گیا ہے۔ جب آپ کوئی نیا موضوع شروع کرتے ہیں تو موضوع کے شروع ہو جانے پر موضوع کے اوپر یہ آپشن ظاہر ہوتا ہے اس آپش پر کلک کرنے سے مختلف سوشل نیٹ ورکس کے آئکان ظاہر ہوتے ہیں آپ اپنی پسند کے نیٹ ورک پر اسے شائع کر سکتے ہیں۔میری دوستوں سے درخواست ہے کہ جب بھی کوئی کلام فورم میں شامل کریں تو سوشل شیئر بٹن کے ذریعہ اس کو فیس بک ، ٹویٹر اور گوگل پلس وغیرہ پر بھی شیئر کر دیا کریں اور اگر ممکن ہو تو جس کا کلام ہو اس کی فیس بک وال پر بھی شیئر کیا کریں تاکہ فورم کی ٹریفک میں اضافہ ہو اور لوگوں کی آمد و رفت رہے۔ جوکہ اس فورم کی مقبولیت کے لیے بہت ضروری ہے۔

تنقیدی مشاعرہ حافظ محمد الیاس حافظؔ : قلب و جاں بے حد پریشاں! الغیاث

'چھٹا تنقیدی نعتیہ مشاعرہ' میں موضوعات آغاز کردہ از شاہ بابا, ‏مارچ 6, 2017۔

  1. شاہ بابا

    شاہ بابا فضائے نعت میں رہنے سے دل دھڑکتا ہے رکن فروغ نعت

    پیغامات:
    653
    قلب و جاں بے حد پریشاں! الغیاث
    اے پناہِ دین و ایماں! الغیاث

    اپنی کرنوں کا وسیلہ دیجئے
    اے مرے خورشید_ تاباں! الغیاث

    پیش_ ظالم جنبش_ لب ہو عطا
    دم بخود ہے نطق_ انساں! الغیاث

    رفع کیجے بوئے بد باطن مری
    زلف آقا عنبر افشاں! الغیاث

    اختیار_ کل عطا ہیں آپ کو
    دوجہانوں کے اے سلطاں! الغیاث

    لٹ نہ جائے دولت_ ایماں مدد
    تاجدار_ ملک_ ایماں! الغیاث

    تاج کشتی پر لکھا ہے یا رسول!
    مجھ کو کیوں ہو خوف_ طوفاں! الغیاث

    لیجئے اپنی غلامی میں حضور!
    صدقۂ توقیر_ سلماں! الغیاث

    اے حفیظ_ حرمت_ انساں مدد
    اے صدور_ صدر_ گیہاں! الغیاث

    اے نجیب و طیب و طاہر مدد
    میں کہ ہوں آلودہ داماں ! الغیاث

    کھولئے باب_ عطائے ایزدی
    اے مرے سلطان_ دوراں! الغیاث

    ملک_ پاکستان پر بھی اک نظر
    ہو نفاذ_ شرع_ قرآں! الغیاث

    اے حفیظ_ حرمت_ انساں مدد
    اے صدور_ صدر_ گیہاں! الغیاث

    کیجئے گا اپنے حافظؔ پر کرم
    ہو دم_ آخر ثنا خواں! الغیاث