1. محترم مہمان السلام علیکم! فروغ نعت فورم میں سوشل شیئر کا آپشن شامل کیا گیا ہے۔ جب آپ کوئی نیا موضوع شروع کرتے ہیں تو موضوع کے شروع ہو جانے پر موضوع کے اوپر یہ آپشن ظاہر ہوتا ہے اس آپش پر کلک کرنے سے مختلف سوشل نیٹ ورکس کے آئکان ظاہر ہوتے ہیں آپ اپنی پسند کے نیٹ ورک پر اسے شائع کر سکتے ہیں۔میری دوستوں سے درخواست ہے کہ جب بھی کوئی کلام فورم میں شامل کریں تو سوشل شیئر بٹن کے ذریعہ اس کو فیس بک ، ٹویٹر اور گوگل پلس وغیرہ پر بھی شیئر کر دیا کریں اور اگر ممکن ہو تو جس کا کلام ہو اس کی فیس بک وال پر بھی شیئر کیا کریں تاکہ فورم کی ٹریفک میں اضافہ ہو اور لوگوں کی آمد و رفت رہے۔ جوکہ اس فورم کی مقبولیت کے لیے بہت ضروری ہے۔

محمد شاہد الرحمٰن مضمحل جب دل مرا ہو رنج و کلفت کے سبب

'محمد شاہد الرحمٰن' میں موضوعات آغاز کردہ از محمد شاہد الرحمٰن, ‏اپریل 14, 2017۔

  1. محمد شاہد الرحمٰن

    محمد شاہد الرحمٰن آبروئے ماز نامِ مصطفےٰ است رکن فروغ نعت

    پیغامات:
    220
    مضمحل جب دل مرا ہو رنج و کلفت کے سبب
    چین پاتا ہے فقط یہ ان کی مدحت کے سبب

    جل رہی ہے جاں مری مدت سے سوزِ ہجر میں
    نم ہے میری آنکھ بھی شوقِ زیارت کے سبب

    ماؤں کو خلاقِ عالم نے عطا بیٹے کے
    سرورِ کونینؐ کے جشنِ ولادت کے سبب

    اک جہاں شیدا تھا ان کی خوبئی گفتار کا
    نرم گوئی ، چاشنی ، حلم و متانت کے سبب

    سارے انصار و مہاجر بھائی بھائی بن گئے
    آپؐ کے درسِ مساوات و اخوت کے سبب

    خوشبوئے گل سے عیاں ان کے پیسنے کی مہک
    ہے نکھارِ گلستاں بھی ان کی رنگت کے سبب

    مرحبِ خیبر ہوا دو نیم بس اک آن میں
    حیدرِ کرّارؑ کی ضربِ شجاعت کے سبب

    نخلِ دیں کی آبیاری اپنے خوں سے کر گئے
    جو بہتّر کٹ گئے حق کی مشیت کے سبب

    میں بھی ہوں ان کے غلاموں کے غلاموں کا غلام
    وہ جو گھر مشہور ہے اپنی سیادت کے سبب

    دیکھ کر رستہ بدل لیتا انہیں ابلیس بھی
    حضرتِ فاروقؓ کے قہر و جلالت کے سبب​

    ہو گئے سیراب جو بھی آئے سائل تشنہ کام
    آپؐ کے بحرِ کرم ، ابرِ سخاوت کے سبب

    نہ جلے گا نار میں وہ شخص جس کی آنکھ سے
    چند آنسو بھی بہے رب کی خشیت کے سبب

    روبرو ان کے یہ کیسے جائے گا عصیاں شعار
    پاؤں اٹھتے ہی نہیں بارِ ندامت کے سبب

    یوں تو نامہ تھا مرا تاریک تر شاہدؔ مگر
    سرخرو میں ہو گیا مہرِ شفاعت کے سبب

    17 فروری 2017
    • پسندیدہ پسندیدہ x 1
    • زبردست زبردست x 1
    Last edited: ‏جون 16, 2017
  2. احمد خان

    احمد خان New Member رکن فروغ نعت

    پیغامات:
    4
    سبحان اللہ بہت عمدہ:)
    • دوستانہ دوستانہ x 1
  3. ابوالمیزاب اویس

    ابوالمیزاب اویس ــــ:ناظمِ فروغ نعت:ــــ رکن انتظامیہ رکن فروغ نعت

    پیغامات:
    740
    واہ بہت خوب۔ جزاک اللہ

    چھٹے شعر میں ٹائپو ہے (پسینے)
    • متفق متفق x 1